News - Projekteinstieg
Oh, i wett e Blueme sy
Mängisch ligen i im Gras
dänke dises, dänke das:
Oh, i wett e Blueme sy
schwanke fyn und wär ganz chly.
Dür di sunnewarmi Luft
schmöckt me de my Blüeteduft.
Bieni summe um my Chopf,
so als wär's e Honigtopf.
U was no fasch schöner wär:
s'chäm e Schmätterling derhär,
macht e Pouse, sitzt echly,
wüu i ds schönschte Blüemli bi.
Aber chuum dass är isch cho,
flügt er uuf und flügt dervo.
